بلغ العالم ما ابي سواك

اجمل الكلمات هي حكي العيون..

واجمل اللحظات لحظاتي معاك..

كل ماقالوا حبيبتك من تكون..

قلت من غيرها الواقفه هناك..


قاسي بطبعه ولكنه حنون..
من بنات حواء لكنها ملاك..


ياحبيبتي لاتضيعك الظنون..
ولاتضيعيني عسى عمري فداك..


غصب عنّي صارت عيونك تمون..
وين ماسافرت يلحقني غلاك..


سقتيني للموت ودروب الجنون..
واصبحت دنياي من بعدك هلاك..


ذبت كلّي في نواعيس الجفون..
وانتهى عمري بدونك وابتداك..


يابعدهم في وجودك وش يبون.؟!
بلّغ العالم ترى ماابي سواك..


انت بس وكلهم مايقدرون..
نور عيني مايشوف الا حلاك..


منهو مثلك في سواليف العيون.؟!
وانت اذا سولفتي تاخذيني معاك..